නියෝජ්‍ය පොලිස්පතිවරයකුට අයත් බව පවසමින් පිලියන්දල කරදියාන ප්‍රදේශයේ රූමත් තරුණියන් යොදාගෙන පවත්වාගෙන ගිය ගණිකා නිවසක් වටලා තරුණියන් දෙදෙනෙකු ඇතුළු සිව්දෙනකු අත්අඩංගුවට පානදුර වලාන දූෂණ මර්ධන ප්‍රහාරක ඒකකය සමත්ව තිබෙනවා.
උසස් පොලිස් නිලධාරීන් සහ පක්ෂ විපක්ෂ දේශපාලඥයන් මෙන්ම ප්‍රභූ පුද්ගලයන් සමග සමීප සබඳතා පවත්වාගෙන යන බවට හැඟවීමට ඔවුන් සමග ලබාගත් සමීප ඡායාරූප විශාල කර කාර්යාලය තුල ප්‍රදර්ශනය කර මෙම ගණිකා ජාවාරම කිරුළපන ප්‍රදේශයේ පුද්ගලයකු කාලයක් තිස්සේ සිදු කර ගෙන ගොස් තිබූ බව පොලිස් විමර්ශනවලදී අනාවරණය වී ඇති බව වාර්තා වනවා.
දින ගණනාවක් ආවේශන රාජකාරිය සඳහා යොදවා එම ස්ථානයේ ගණිකා නිවසක් තිබෙන බවට තහවුරු කරගැනීමෙන් අනතුරුව උපාය දූතයකු රුපියල් 6000 ක මුදලකට රූමත් කාන්තාවක් මිලදී ගැනීමට යොදවා තහවුරු කරගැනීමෙන් අනතුරුව වැටලීම සිදු කළ බව පොලිසිය සඳහන් කළා.
