ශ්‍රී ලංකා පොලිසියේ ජ්‍යෙෂ්ඨ නියෝජ්‍ය පොලිස්පති පරිපාලන තනතුරෙහි තනතුරු නාමය ශ්‍රී ලංකා පොලිසියේ කාර්ය මණ්ඩල ප්‍රධානී ලෙස සංශෝධනය කිරීමට තීරණය කර ඇති බව වාර්තාවෙයි.
පොලිස් දෙපාර්තමේන්තුවේ නිත්‍ය කාර්යමණ්ඩලයේ තනතුරු ධූරාවලිය පිළිබඳ ජ්‍යෙෂ්ඨ නියෝජ්‍ය පොලිස්පති තනතුරු 12ක් අනුමතව ඇති අතර ජ්‍යෙෂ්ඨ නියෝජ්‍ය පරිපාලන හෙවත් කාර්ය මණ්ඩල ප්‍රධානියා ලෙස පත් කෙරෙන්නේ ඉන් ජ්‍යෙෂ්ඨතම නිලධාරියායි.
පොලිස් දෙපාර්තමේන්තුවේ නව පරිපාලන ව්‍යුහය තුළ කාර්ය මණ්ඩල ප්‍රධානියාට පොලිස් දෙපාර්තමේන්තුවේ කාර්ය මණ්ඩලයේ සියලු වගකීම් ලබාදී තිබේ.
