“ටජ් මහල්” ප්‍රාසාදයේ ආකෘතිය අනුව ඉදිකළ සුවිසල් නිවසක් ඉන්දීය ව්‍යාපාරිකයෙක් වන 52 හැවිරිදි ආනන්ද් ප්‍රකාෂ් චෞක්සි විසින් සිය බිරිඳ වන මන්ජුශා සඳහා තෑග්ගක් ලෙස පිරිනමා ඇති බව එරට මාධ්‍ය වාර්තා කරයි.
ඔවුන් දෙදෙනා විවාහ වී ඇත්තේ මීට වසර 27කට පෙරදීය.
ඉන්දියාවේ මධ්‍ය ප්‍රදේශ් ප්‍රාන්තයේ බුර්හාන්පූර් නගරයේ මෙම නිවස ඉදිකර ඇත.
ඔහු එය නම් කර ඇත්තේ “ආදරයේ ස්මාරකය” ලෙසය.
මෙම නිවස සාදා නිම කිරීමට ඔහුට ඉන්දීය රුපියල් මිලියන 20ක් වැය වී ඇත.
මෙම නිවස නිදන කාමර 4ක්, මුළුතැන්ගෙයක්, පුස්තකාලයක් සහ භාවනා කිරීම සඳහා වෙන් වු තවත් කාමරයකින් යුත්ත වේ.
