පහළොස් හැවිරිදි බාල වයස්කාර දැරියක ගැබිණියක කළ සැකකරුවෙකුට ඒ සඳහා ආධාර අනුබල දුන් බව කියන සැකකරුගේ මව රක්‍ෂිත බන්ධනාගාරගත කිරීමට ගාල්ල අතිරේක මහෙස්ත‍්‍රාත් පවිත‍්‍රා සංජීවනී පතිරණ මහත්මිය නියෝග කළාය.
සැකකරු සැඟව සිටින නිසා විවෘත වරෙන්තු නිකුත් කිරීමටත් අතිරේක මහෙස්ත‍්‍රාත්වරිය එහිදී නියෝග නිකුත් කර ඇත.
මෙම දැරියගේ පියා වෙනත් විවාහයක් කරගෙන ඇති අතර මව විදේශ ගතව සිට ඇති නිසා මිත්තණිය භාරයේ සිටි දැරිය සැකකාර විසි හැවිරිදි තරුණයා සමග පේ‍්‍රම සම්බන්ධයක් ඇති කරගෙන ඇති බව අධිකරණයේ දී සඳහන් විය.
මෙයට මාස කිහිපයකට පෙර සැකකරු ඇය නිවසට කැඳවාගෙන ගොස් දූෂණය කර ඇති අතර පසුව දැරිය අධිකරණයට ඉදිරිපත් කළ අවස්ථාවේ පරිවාස අධික්ෂණය යටතේ මිත්තණියගේ භාරකාරත්වයට පත් කර තිබිණ.
මේ අතර සැකකරු යළිත් ඇය නිවසට කැඳවාගෙන ගොස් දූෂණය කර ඇති අතර දෙවන වරට ද ඇය අධිකරණයට ඉදිරිපත් කරමින් පොලිසිය අධිකරණයෙන් ඉල්ලා සිටියේ දැරිය සුදුසු භාරකාරත්වයකට පත් කරන ලෙසය.
ඒ අනුව දැරිය ළමා නිවාසයේ රඳවා තැබීමටත් ඇය දූෂණය කිරීමට ආධාර අනුබල දුන් සැකකරුගේ මව රිමාන්ඞ් කිරීමටත් සැකකරුට වරෙන්තු නිකුත් කිරීමටත් අතිරේක මහේස්ත‍්‍රාත්වරිය නියෝග කළාය.
