ගාල්ල, පෝද්දල, කාසිදෙණියේ පදිංචි ගුරුවරයෙකුගේ නිවසට ඊයේ ( 21) ත්‍රිරෝද රථයකින් පැමිණි අවුරුදු 16ක ගැහැණු ළමයෙකු සහ පිරිමි ළමයෙකු එම ගුරුවරයාට පිහියකින් ඇන පළා ගොස් ඇතැයි පෝද්දල පොලිසිය පවසයි.
පිහි ඇනුමෙන් තුවාල ලබා ඇති ගුරුවරයා ප්‍රතිකාර සඳහා බද්දේගම රෝහලට ඇතුළත් කර තිබේ.
තුවාල ලැබූ ගුරුවරයා, පිහි ඇනුම සිදු කළ ගැහැණු ළමයාගේ මව සමග අනියම් සම්බන්ධතාවක් පවත්වාගෙන යන බවටත්, ඒ පිළිබඳව විමසීමට ගුරුවරයාගේ නිවසට පැමිණි අවස්ථාවේ ඇති වූ බහින්බස් වීමකදී එම සිසුවිය ගුරුවරයාට පිහියෙන් ඇන ඇති බවත් පරික්ෂණවලදී අනාවරණය වී ඇතැයි පොලිසිය පැවසීය.
