පන්දුවාර 20-20 ලෝක කුසලාන ක්‍රිකට් තරගාවලි ඉතිහාසයේ එක් තරගාවලියකදී පන්දු යවන්නෙකු බිද හෙලූ වැඩිම කඩුලු සංඛ්‍යාවේ වාර්තාව තමන් සතු කර ගැනීමට ශ්‍රී ලංකා දග පන්දු යවන ක්‍රීඩක වනිදු හසරංග ඊයේ (4) සමත් වුණා.
වනිදු මෙම තරගාවලියේ දී තරග 8කදී බිද හෙලා ඇති කඩුලු ගණන 16ක්.
මීට පෙර අජන්ත මෙන්ඩිස් විසින් 2012 වසරේ පැවැති ලෝක කුසලාන 20-20 තරගාවලියේ දී කඩුලු 15ක් දවා ගනිමින් එම වාර්තාවට හිමිකම් කියනු ලැබුවා.
මේ අතර චරිත අසලංක මෙවර පන්දුවාර 20-20 ලෝක කුසලාන ක්‍රිකට් තරගාවලියේ වැඩිම ලකුණු ලබාගත් පිතිකරුවා බවට ඊයේ පත්වුණා.
ඒ,සමස්ත තරගාවලියේ දී ලකුණු 231ක් ලබා ගනිමින්.
ඊයේ (04) තරගයේ විශේෂ අවස්ථා පහතින් දැක්වෙනවා.
