බිරිඳ හැර ගිය දින සිට සිය දියණිය දූෂණය කර ඇති බවට චෝදනා ලැබූ සැකකාර පියෙක් ගල්ගමුව පොලිසිය විසින් අත්අඩංගුවට ගෙන තිබේ.
මෙසේ අත්අඩංගුවට ගෙන ඇත්තේ ගල්ගමුව පොලිස් වසමට අයත් ගල්ගමුව පදිංචි වයස අවුරුදු 49ක පුද්ගලයෙකි.
සැකකාර පුද්ගලයා සහ ඔහුගේ බිරිය අතර ඇති වූ ගැටලුවක් හේතුවෙන් බිරිය, ඔහු සහ ළමයන් තිදෙනා අතහැර මීට වසර පහකට පෙර වෙනත් පළාතකට ගොස් තිබේ.
එතැන් පටන් මේ දක්වා මෙම සැකකාර පියා සිය දියණිය දූෂණයට ලක් කර ඇති අතර පසුව මේ පිළිබඳ ස නැන්දණියට දැනගැනීමට ලැබී ඇත.
පසුව දියණියගේ මව අඹන්පොළ ප්‍රදේශයේ පිහිටි ඇගේ මවගේ නිවෙසට දින තුනකට පෙර පැමිණි අවස්ථාවේ අදාළ සිද්ධිය සම්බන්ධයෙන් දැනුවත් වී ගල්ගමුව පොලිස් ස්ථානයට පැමිණ පැමිණිලි කර තිබේ.
ඒ අනුව අදාළ සැකකාර පියා අත්අඩංගුවට ගෙන ඇති අතර දියණිය වෛද්‍ය පරීක්ෂණ සඳහා යොමු කර ඇති බව පොලිසිය පැවසීය.
