මොණරාගල දිස්ත්‍රික්කයට අයත් කැබිලිත්ත වනාන්තරයේ වන වැස්ම වැඩිකිරිමේ අරමුණ ඇතිව ශ්‍රි ලංකා ගුවන් හමුදාවෙි සහාය ලබාගෙන බීජ බෝම්බ ක්‍රමයට අක්කර 495ක ප්‍රදේශයක් පුරා බීජ වර්ග 75000ක් පමණ විසිරුවා හැරීමට කටයුතු කර තිබෙනවා.
කැබිලිත්ත සංරක්ෂිත වනාන්තරයේ අක්කර 12000ක් පමණ හේන් වගාව නිසා මේ වනවිට විනාශ වි ඇති බවයි වන සංරක්ෂණ දෙපාර්තමෙින්තුව සඳහන් කරන්නේ.
වන සංරක්ෂණ දෙපාර්තමෙින්තුව හා පේරාදෙණිය විශ්ව විද්‍යාලයේ කෘෂි විද්‍යාපිඨය එක්ව සංවිධානය කර තිබු මෙම ගුවනින් බීජ හෙළිමේ ව්‍යාපෘතිය,ශ්‍රි ලංකා ගුවන් හමුදාවෙි එයාර් මාර්ෂල් සුදර්ශණ පතිරණ මහතාගේ උපදෙස් හා නියෝග මත , ගුවන් හමුදාවට අයත් එමි.අයි 17 වර්ගයේ හෙළිකොප්ටර් යානා යොදා ගනිමින් ක්‍රියාත්මක කර තිබෙනවා.
මයිල, කොහොඹ,පලු,කුඹුක්,අරලු,බුලු වැනි බීජ විශේෂ ශාඛ පෝෂක අඩංගු ආවරණයකින් වසා, ගුවනින් රක්ෂිතයට මුදාහල අතර ඒවා පොළොවට පතිත වු පසු පැලවෙන ආකාරයට සකසා තිබූ බවයි වාර්තා වන්නේ.
