ජාත්‍යන්තර ක්‍රිකට් පිටියේ පෙරළිකරුවන් වන ෆෆ් ඩූ ප්ලෙසිස් (Faf du Plessis ) සහ වහබ් රියාස් (Wahab Riaz) ලංකා ප්‍රිමියර් ලීග් (LPL) තරග බිමට පිවිසීමට නියමිත වනවා.
ඒ අනුව දකුණු අප්‍රිකානු ක්‍රීඩක ෆෆ් ඩූ ප්ලෙසිස් Jaffna Kings කණ්ඩායමේ විදේශීය Icon player ලෙසත් පකිස්තාන ක්‍රීඩක වහබ් රියාස් විදේශිය Diamond player ලෙසත් මෙවර ලංකා ප්‍රිමියර් ලීග් සටනට එක් වනු ඇති.
දකුණු අප්‍රිකානු ජාතික ක්‍රිකට් කණ්ඩායමේ හිටපු නායකයෙකු වන ෆෆ් ඩූ ප්ලෙසිස් මේ වන විට ටෙස්ට් තරග 69කට ද එක්දින තරග 143කට ද විස්සයි විස්ස තරග 50කට ද IPL තරග 100කට ද සහභාගී වෙමින් දක්ෂතා දක්වා තිබෙනවා.එම කණ්ඩායමේ ස්ථාවරම පිතිකරුවන් අතර ඔහුට හිමිව ඇත්තේ ප්‍රමුඛ ස්ථානයක්.
Jaffna Kings සමග එක්වන පකිස්තානයේ වහබ් රියාස් වමත් වේග පන්දු යවන්නෙකු ලෙසත් දකුණත් පිතිකරුවෙකු ලෙසත් දක්ෂතා දක්වන අතර 2015 ICC ක්‍රිකට් ලෝක කුසලානයේදී ද තුන් ඉරියව්වෙන්ම දස්කම් දක්වනු ලැබුවා.
පැයට කිලෝමීටර් 150කට වඩා වැඩි වේගයකින් පන්දුයවන ඔහු ජාත්‍යන්තර විස්සයි විස්ස තරග 303කදී කඩුළු 361ක් ද එක්දින තරග 91ක දී කඩුළු120ක් ද දවා ගැනීමට සමත්කම් දක්වා තිබෙනවා.
