මහ කන්නයේ සිට සම්පුර්ණයෙන් කාබනික පොහොර වගාව ආරම්භ කිරීමට උපදෙස් දුන් අය සොයා ගැනීමට නෙමැති බවත් ඇත්තටම පිච්චිය යුත්තේ කෘෂිකර්ම ඇමති මහින්දානන්ද අලුත්ගමගේ මහතාගේ රූප නොවන බවත් රාජ්‍ය අමාත්‍ය දයාසිරි ජයසේකර මහතා ඊයේ (23) පැවැසීය.
ජනහමුවකදී ඔහු සඳහන් කළේ වෛද්‍ය අනුරුද්ධ පාදෙණිය මහතා හා යාපා මහතා මෙම වැඩසටහන හඳුන්වා දුන් බවයි.
“කාබනික පොහොර වැඩපිළිවෙළ ඉතාම හො ඳයි. මේ රටේ වකුගඩු ප්‍රශ්න තිබෙනවා. පිළිකා තිබෙනවා. ඒකට කාබනික පොහොර වැඩපිළිවෙළක් තියෙන්න ඕන. ඒ කාබනික පොහොර වැඩපිළිවෙළ අපි කියලා තියෙන්නේ අවුරුදු 10කින් කරනවා කියලා. හැබැයි ඒ වැඩපිළිවෙළ සකස්කරගෙන යන කොට මහාචාර්ය අනුරුද්ධ පාදෙනිය මහත්තයයි මහාචාර්ය යාපා කියන මහත්වරු දෙන්න කිව්වා මේක මහ කන්නයේ ඉදලා පටන් ගන්න කියලා.
දැන් අනුරුද්ධ පාදෙනිය හොයා ගන්නත් නෑ. මහාචාර්ය යාපා හොය ගන්නත් නෑ. අනේ අර අහිංසක මහින්දානන්ද අලුත්ගමගේ මහත්තයාගේ රූප ගගහා පුච්චනවා.පුච්චන්න තියෙන්නේ කාගෙවත් නෙමෙයි ඕක දුන්න අනුරුද්ධ පාදෙනියගෙන් මහාචාර්ය යාපයිගෙයි දෙන්නගේ.
ඇතුළේ ලියපු කොපියක් උස්සගෙන ගිහින් වැඩේ කරන්න ගියා. ගම ඇතුලේ ඒක කරන්න බෑ. ප්‍රායෝගික නෑ. ඒ නිසයි ප්‍රශ්න තියෙන්නේ. කොච්චරවත් පුච්චන්නේ මහින්දානන්ද අලුත්ගමගේ මහතාගෙයි මූණයි.
මුළු ආණ්ඩුවම විශාල අපහසුතාවයකට පත්වෙලා ඉන්නේ. මෙකෙන් ජනාධිපතිතුමත් අපහසුතාවට පත්වෙලා තිබෙනවා. එතුමා හදන්නේ කොහොමහරි මේක සාර්ථකව කරන්න. අපි මේකට සහයෝගය දෙනවා. නොදෙනවා නෙමෙයි.
මම කිව්වේ ඒකයි සියයට 50ක් රසායනික, සියයට 50ක් කාබනික ලෙස වැඩේ පටන් අරගෙන ඉස්සරහට ගියානම් ඉස්සරහට යන්න පුළුවන්. ඒක තමයි ලෝකයේ හැම තැනම අත්හදා බලපු ක්‍රම වේදය. ඒක අපි කියද්දී නැට්ට පාගත්ත මන්ත්‍රීවරු ඇමතිවරු කියනවා ශ්‍රී ලංකා එක තමයි මේ වැඩේ බකල් කරන්නේ උඹලා පලයන් කියලා. මේවා අපි කියන්නේ ආණ්ඩුවක් ශක්තිමත් කරන්න ආණ්ඩුවේ මතය අනිත් මිනිස්සුන්ටත් කියන්න පුළුවන් කාරණා විදිහට.”
