පියවරුන්ගේ දිනය සමරමින් හිටපු කෙටිදුර ධාවන ශූර උසේන් බෝල්ට් සිය සහකාරිය වූ කාසි බෙනට් සමග සෙන්ට් ලිඕ බෝල්ට් සහ තන්ඩර් බෝල්ට් යන නිවුන් දරුවන්ගේ උපත ප්‍රසිද්ධ කර තිබෙනවා.
මීටර් 100 සහ මීටර් 200 කෙටිදුර ධාවනයේ ලෝක වාර්තා තබා ඇති ජැමෙයිකානු මලල ක්‍රීඩකයාට ගෞරවයක් වශයෙන් ජැමෙයිකානු අගමැති ඇන්ඩෘ හොල්නස් ට්විටර් පණිවුඩයක් නිකුත් කරමින් ඔවුන්ට සුබ පැතුම්ද එක්කර තිබෙනවා.
34 හැවිරිදි හිටපු ක්‍රීඩකයා තම වැඩුණු පවුලේ සිත් ඇදගන්නාසුලු ඡායාරූප කිහිපයක්ද ඉන්ස්ටග්‍රෑම් ගිණුම හරහා බෙදාගෙන තිබුණේ තම වැඩිමහලු දරුවා මෙන්ම අලුත උපන් නිවුන් දරු දෙදෙනාද ඊට එකතු කර ගනිමිනි.
30 හැවිරිදි ව්‍යාපාරික කාන්තාවක් වන කාසි බෙනට් තම දරුවන් තිදෙනා සමග උසේන් යනු ශ්‍රේෂ්ඨතම තාත්තා ලෙස නම් කර තිබුණේ, “ඔබ මේ පවුලේ පර්වතයයි. අපේ පුංචි දරුවන්ගේ ශ්‍රේෂ්ඨතම තාත්තායි. අපි ඔබට අනන්තවත් ආදරෙයි!” යනුවෙන්ද සඳහන් කරමිනි.
