ලබන 31 වන දින සහ ජුනි 4වන දින සංචරණ සීමා ලිහිල් නොකිරීමට රජය තීරණය කර තිබෙන බව ජෙනරාල් ශවේන්ද්‍ර සිල්වා මහතා පවසනවා.
ඒ අනුව ජුනි මස 7වන දින දක්වා අඛණ්ඩව සංචරණ සීමා ක්‍රියාත්මක වනු ඇති.
මීට පෙර දැනුම් දී තිබුණේ ජනතාවට අත්‍යවශ්‍ය භාණ්ඩ මිළට ගැනීම සඳහා මැයි 31 සහ ජුනි 4වන දින සංචරණ සිමා ලිහිල් කිරීමට නියමිත බවයි.
පසුගිය දා අත්‍යවශ්‍ය භාණ්ඩ මිලට ගැනීම සඳහා සංචරණ සීමා ලිහිල් කළ අවස්ථාවේදී ජනතාව සෞඛ්‍ය මාර්ගෝපදේශ කඩකරන අයුරු දක්නට ලැබුණා.
කෙසේ වුවද ජංගම රථ යොදාගනිමින් අත්‍යවශ්‍ය භාණ්ඩ නිවස ආසන්නයටම ලබා දීමට කටයුතු කරන බවයි යුද හමුදාපතිවරයා වැඩිදුරටත් පෙන්වා දුන්නේ
