සුනඛයෙකු උසි ගන්වා රාජකාරි කටයුත්තක් සඳහා ගිය පොලිස් නිලධාරියෙකුට තුවාල සිදුකළ බවට චෝදනා ලැබූ පුද්ගලයෙකු රක්ෂිත බන්ධනාගාර ගත කිරීමට මිනුවන්ගොඩ වැඩ බලන මහේස්ත්‍රාත්වරයා නියෝග කළා.
මිනුවන්ගොඩ පොලීසිය වෙත ලැබී තිබූ පැමිණිල්ලකට අදාලව පොලීසිය හමුවේ පෙනී නොසිටීම නිසා නිලධාරීන් දෙදෙනෙකු ඔහුගේ නිවසට ගොස් ඇති අතර සැකකරු නිවස තුළට ගොස් එහි සිටි සුනඛයා පොලිස් නිලධාරීන් පෙන්වා උසි ගන්වා තිබෙනවා.
පොලිස් කොස්තාපල්වරයෙකුගේ කකුලක් සුනඛයා විසින් සපා කා ඇති අතර තුවාල ලැබූ කොස්තාපල්වරයා ගම්පහ මහ රෝහලේ නේවාසිකව ප්‍රතිකාර ලබනවා.
