සිය හිසට කිරුළ නොව රටට කිරුළු පළදන්නට පෙරට ආ මියන්මාර රූ රැජිණ (Video)

කිරුළක් වෙනුවෙන් ලෝකය ඉදිරියේ අවමානයට ලක් වන ඇතැමුුුන් අත‌රේ ජීවිත අවදානම හිස දරන් කිරුළේ සිහිනය පසෙක තබා රට වෙනුවෙන් හඬ නැගූ සැබෑම රැජිණක් පිළිබඳව මියන්මාරයෙන් වාර්තා වනවා. ඒ, මියන්මාර හමුදා පාලනයට එරෙහිව අභීතව නැගී සිටි 22 හැවිරිදි මියන්මාර රූ රැජිණ (Miss Grand Myanmar) හැන් ලේ (Han Lay) පිළිබඳ පුවතයි.

තායිලන්තයේ පැවති Miss Grand International – 2020 තාරගාවලියට ඉදිරිපත් වූ Han Lay තරගාවලි වේදිකාවේ ප්‍රකාශයක් කරමින් ලෝකවාසීන්ගෙන් ඉල්ලා සිටියේ, අත්ව ඇති ඛේදනීය ඉරණමෙන් සිය රට බේරා දෙන ලෙසයි.

”අද මගේ රටේ ගොඩක් මිනිස්සු මැරෙනවා. කරුණාකරලා මගේ රටට උදව් කරන්න. ඉක්මනින්ම මගේ රටට ඔබේ උදව් අවශ්‍යයි. මම ගොඩක් කනගාටු වෙනවා. මගේ පවුල ගැන සහ මගේ ආරක්ෂාව ගැන මොකද මම හමුදා පාලනය ගැන ගොඩක් කතා කළා. මියන්මාරයේ හැම දෙනාම දන්නවා. එහි සිදුවන දේ ගැන කතා කිරීම පවා සීමා කරලා. මනුෂ්‍යත්වයට එරෙහිව අපරාධ සිදු වෙනවා. එක්සත් ජාතීන්ගේ සංවිධානය අපේ රට සම්බන්ධයෙන් හදිසි පියවරක් ගත යුතුයි. රටට ප්‍රජාතන්ත්‍රවාදය අවශ්‍යයි”

Han Lay විනාඩි 2 ක සිය ප්‍රකශය තුළ වැඩිදුරටත් සඳහන් කර ඇත්තේ, තම ප්‍රකාශයත් සමග තම ජීවිතය අවදානමකට ලක් වන බව දැන දැනම Miss Grand International – 2020 වේදිකාව තම මව්බිම ගැන ජාත්‍යන්තරයට කතා කිරීමට වේදිකාවක් ලෙස භාවිත කිරීමේ අධිෂ්ඨානයෙන් යුතුව තායිලන්තයට පැමිණි බවයි.