කාන්තා හමුදා නිලධාරීන් බඳවා ගැනීම ඉහළ නැංවීමේ උත්සාහයක් ලෙස ස්විට්සර්ලන්තය හමුදාවේ කාන්තා සාමාජිකාවන්ට ප්‍රථම වරට කාන්තා යට ඇඳුම් ඇඳීමට ඉඩ ලබා දීමට තීරණය කර ඇති බව විදෙස් මාධ්‍ය වාර්තා කරනවා.
මේ වන විට මිලිටරි බඳවා ගැනීම් සඳහා නිකුත් කරන ලද සම්මත නිල ඇඳුමට ඇතුළත් වන්නේ පිරිමි යට ඇඳුම් පමණි. ඒ අනුව ලබන මාසයේ සිට ඇරඹීමට තීරණය කර ඇති බවයි වාර්තාවන්නේ.
තවද උණුසුම් හා සිසිල් මාස සඳහා කාන්තා යට ඇඳුම් කට්ටල දෙකක් ලබා දෙනු ඇති බවත් විදෙස් මාධ්‍ය වාර්තා කරනවා.
ස්විට්සර්ලන්ත සන්නද්ධ හමුදාවන්ගෙන් 1% ක් පමණ කාන්තාවන් වන නමුත් 2030 වන විට එම සංඛ්‍යාව 10% දක්වා ඉහළ නැංවීමට එරට බලාපොරොත්තු වෙනවා.
ස්විට්සර්ලන්ත ජාතික කවුන්සිලයේ සාමාජිකාවක් වන මේරියන් බින්ඩර් කියා සිටියේ කාන්තාවන්ට වඩාත් සුදුසු යට ඇඳුම් ලබා දීමෙන් හමුදාවට බැඳීමට ඇති කැමැත්තක් වැඩිවනු ඇති බවයි.
කාන්තා බඳවා ගැනීම් සඳහා නව “ක්‍රියාකාරී යට ඇඳුම්” ගිම්හානය සඳහා “කෙටි යට ඇඳුම්” සහ ශීත සෘතුව සඳහා “දිගු යට ඇඳුම්” වලින් සමන්විත වන බවත් වාර්තාවෙනවා.
