සන්රයිසස් හයිද්‍රාබාද් කණ්ඩායමේ තුන් ඉරියව් ක්‍රීඩක මිචෙල් මාෂ් සිය පෞද්ගලික හේතු මත මේ වසරේ (2021) ඉන්දීය ප්‍රීමියර් ලීග් තරගාවලියට සහභාගි වීමෙන් වැලකී සිටීමට තීරණය කර තිබෙනවා.
ඒ සම්බන්ධයෙන් මාෂ් වැඩි දුරටත් පවසා ඇත්තේ සති 8 ක් තරම් දිගු කාලයක් ජෛව ආරක්ෂක බුබුලක් තුළ රැදී සිටීමට තමන් අකමැති බවයි.
අප්‍රේල් මස 9 වැනිදා ආරම්භ වීමට නියමිත මෙවර අයි.පී.එල්. තරගාවලියට සහභාගිවන සියලුම දෙස් විදෙස් ක්‍රීඩකයන් ඊට සතියකට පෙර මුම්බායිහිදී සහ චෙන්නායිහිදී දින 7 ක නිරෝධායන කාල සීමාවකට යටත් විය යුතුයි.
තරගාවලිය අප්‍රේල් 9 වැනිදා ආරම්භ වන අතර එය මැයි මස 30 වැනිදා දක්වා පැවැත්වෙනවා.
