කැකිරාව ප‍්‍රදේශයේ පාසලක දහය වසර එකම පංතියේ ඉගෙනුම ලබන පහළොස් හැවිරිදි ශිෂ්‍යාවක් බියට පත් කර එක් ශිෂ්‍යයකුගේ නිවසට කැඳවා සති තුනක පමණ කාලයක් බරපතළ ලිංගික අපයෝජනය කර ඇති පහළොස් හැවිරිදි ශිෂ්‍යයන් දෙදෙනකු සැකපිට කැකිරාව පොලිසිය අත්අඩංගුවට ගෙන තිබෙනවා.
වින්දිත ශිෂ්‍යයාව එකම පංතියේ තවත් ශිෂ්‍යයකු සමඟ කතා කරමින් සිටින අයුරු ජංගම දුරකථනයකින් වීඩියෝ කර ශිෂ්‍යාවගේ අක්කාට පෙන්වන බවට බියට පත්කර එසේ නොකරන්න නම් තම නිවසට පාසල නිම වී පැමිණෙන ලෙස දන්වා ශිෂ්‍යයන් දෙදෙනා විසින් ශිෂ්‍යාවට වරින්වර ලිංගික අපයෝජන කර ඇති බව පොලිස් පරීක්‍ෂණයේදී අනාවරණය වී තිබුණා.
සිද්ධිය ශිෂ්‍යාවගේ අක්කා සියැසින් දැක පසුව පොලිසියට පැමිණිලි කර තිබෙනවා.අදාළ ශිෂ්‍යාවගේ මව ඇය කුඩා කාලයේම මියගොස් ඇති අතර දැනට අක්කා භාරයේ දිවි ගෙවන බවයි වාර්තා වන්නේ.
අපයෝජනයට ලක්වූ දැරිය කැකිරාව පොලිසියේ ළමා හා කාන්තා කාර්යාංශයේ උප පොලිස් පරීක්‍ෂිකා ඉන්‍ද්‍රානි මහත්මිය විසින් කැකිරාව දිසා රෝහලේ වෛද්‍ය සේනාරත්න මහතා වෙත යොමු කිරීමෙන් අනතුරුව සිදුකළ පරීක්‍ෂණයේදී දූෂණයට ලක් වී නැති බව තහවුරු වී තිබෙනවා.
ශිෂ්‍යාව ලබා දුන් ප‍්‍රකාශ අනුව අත්අඩංගුවට ගත් සැකකාර ශිෂ්‍යයන් දෙදෙනා කැකිරාව දිසා මහෙස්ත‍්‍රාත් යූ. එස්. කේ. කේ. වෙරණියගොඩ මහතා හමුවට ඉදිරිපත් කිරීමෙන් අනතුරුව මාර්තු 31 වැනිදා අනුරාධපුර අභය ළමා නිවසයේ රඳවා තබන ලෙසත් ශිෂ්‍යාව අක්කා භාරයේ තබන ලෙසත් පොලිසියට නියෝග කළා.
