රුවන්පුර මහින්ද රාජපක්ෂ ජාත්‍යන්තර මැණික් කුළුණේ ඉදිකිරීම් අද (15) ආරම්භ කෙරුණා.
රත්නපුර නගරයේ දෙමුවාවත ප්‍රදේශයේ ඉදිකෙරෙන මෙම මැණික් කුළුණ අදියර දෙකක් යටතේ ගොඩනැගීමට සැලසුම් කර තිබෙනවා.
ඒ් අනුව, පළමු අදියර සඳහා රුපියල් ලක්ෂ 3650ක් වැය කර පස්මහල් ගොඩනැඟිලි සංකීර්ණයක් ඉදිකෙරේ.
දෙවන අදියර සඳහා වැය කිරීමට අපේක්ෂිත මුළු මුදල රුපියල් ලක්ෂ 4500ක් වන අතර එහි ඉදිකෙරෙන මහල් සංඛ්‍යාව 14කි.
වෙළෙඳ කුටි, කාර්යාල පරිශ්‍ර, ආරක්ෂක මධ්‍යස්ථාන, තොරතුරු මධ්‍යස්ථාන, වාහන නවතා තැබීමේ පහසුකම් ඇතුළු අංග සම්පූර්ණ ගොඩනැගිලි සංකීර්ණයක් මේ යටතේ ඉදිකිරීමට සැලසුම් කර ඇති බව රත්නපුර දිස්ත්‍රික් ලේකම් කාර්යාලය නිවේදනය කළා.
