ඝාතනය කොට එල්ලුවාද? එසේ නැතිනම් එල්ලී සිය දිවි නසා ගත්තාද? යන්නවත් ගැහැණියෙක්ද පිරිමියෙක්ද යන්නවත් හඳුනාගත නොහැකි තරමට නරක් වී දියවී ගිය මළ සිරුරක් බටහිර උඩුගොඩ වන ගත ඉඩමක් තුළ ගසක එල්ලෙමින් තිබියදී පසුගිය (02) පස්වරුවේ නිට්ටඹුව පොලිසියට හමු වී තිබෙනවා. 35I/ඒ, බටහිර උඩුගොඩ ග්‍රාම නිලධාරීණි දර්ශනී ගුණවර්ධන මහත්මියගේ දැනුම් දීමකට අනුව නිට්ටඹුව පොලීසියේ අපරාධ විමර්ශන අංශයේ ස්ථානාධිපති එහි පොලිස් නිලධාරින් පිරිසක් බටහිර උඩුගොඩ වනගත ඉඩමක් පරීක්ෂා කිරීමේ දී එහි ගසක එල්ලෙමින් තිබූ නරක්වී දිය වී ගොස් තිබු මළ සිරුරක් එසේ හමු වී තිබෙනවා.
මේ පිළිබදව නිට්ටඹුව පොලීසියේ දැනුම් දීමකට අනුව වතුපිටිවල හදිසි මරණ පරීක්ෂක ඇම්.ජේ. ඇම්. අබ්දුල් කාදර් මහතා එදින පස්වරු 5.30 ට පමණ එම ස්ථානයට පැමිණ මූලික නිරික්ෂණ සිදු කලා.
ඒ මහතාගේ නියමය පරිදි පොලීසිය විසින් පශ්චාත් මරණ පරික්ෂණය පැවැත්වීම සඳහා මළ සිරුර වතුපිටිවල මූලික රෝහලට රැගෙන යනු ලැබිය. පශ්චාත් මරණ පරික්ෂණයේ වෛද්‍ය වාර්තාව අනුව තීරණයක් දෙන බව ද හදිසි මරණ පරීක්ෂකවරයා ප්‍රකාශ කළේය. 351 උඩුගොඩ ග්‍රාම නිලධාරීනී සුජානි සමරසිංහ මහත්මිය ද මූලික පරික්ෂණ කටයුතුවලට පොලීසියට සහාය වූවාය. රෑ බෝ වී තිබූ අවස්ථාවේ මළ සිරුර බිමට ගෙන වන ගත ප්‍රදේශයෙන් ඉවතට ගැනීම සඳහා උඩුගොඩ ග්‍රාමය සේවා වසම් දෙක්ම තරුණ පිරිස් විශාල සහයෝගයක් ලබා දී තිබෙනවා.
