ප්‍රේම සම්බන්ධතාවයක් මත ඇති වූ ආරවුලක් නිසා කිළිනොච්චිය මුලංගාවිල් ප‍්‍රදේශයේදී එක් පුද්ගලයකුව කඩුවකින් කපා කොටා 26 දා ඝාතනය කොට තිබෙනවා.
මුලංගාවිල් පල්වරායන් කට්ටචෝලේ ආදර්ශ ගම්මනයේදී මහ දවල් සිදු වූ මෙම කඩු ප‍්‍රහාරයේදී මියගොස් ඇත්තේ එම ගම්මානයේ පදිංචිව සිටි සෙල්වරත්නම් ප‍්‍රදීපන් නැමති 33 හැවිරිදි පුද්ගලයෙක් බවයි වාර්තා වන්නේ.
මියගිය පුද්ගලයා සැකකරුගේ ඥාතියකු සමග ඇතිකර ගෙන තිබෙන අසම්මත ප්‍රේම සම්බන්ධයක් නිසා මේ දෙදෙනා අතර කාලයක සිට දැඩි කෝන්තරයක් හටගෙන තිබූ අතර සිද්ධිය වූ දිනයේදී ඇති වූ බහින්බස් වීමක් දුරදිග යෑම නිසා සැකකරු ඔහුට කඩුවකින් කොටා තිබෙනවා.
සිද්ධිය සම්බන්ධයෙන් මේ වන විට එක් සැකකරුවකු අත්අඩංගුවට ගෙන තිබුණා.
මුලංගාවිල් පොලිසිය සිද්ධිය පිළිබඳව පරීක්ෂණ පවත්වයි.
- දිවයින –
