ලේ පරිත්‍යාග කිරීම හේතුවෙන් කොරෝනා වෛරසය වැළදෙන්නේ නැති බැවින් ලේ දන්දීමට බියවිය යුතු නැති බව වසංගත රෝග විද්‍යා අංශයේ ප්‍රධානී විශේෂඥ වෛද්‍ය සුදත් සමරවීර මහතා පවසනවා.
මේ අතර රුධිර හිගයක් මතුව ඇති බැවින් ජාතික රුධිර පාරවිලයන මධ්‍යස්ථානය අමතා රුධිර පරිත්‍යාග කරන ලෙස එහි අධ්‍යක්ෂක වෛද්‍ය ලක්ෂ්මන එදිරිසිංහ මහතා රුධිර පරිත්‍යාගශිලීන්ගෙන් ඉල්ලා සිටිනවා.
ජාතික රුධිර පාරවිලයන මධ්‍යස්ථානයේ දුරකතන අංක 0112369931 අමතා වේලාවක් වෙන් කර ගන්නා ලෙස වෛද්‍ය ලක්ෂ්මන එදිරිසිංහ මහතා දැනුම් දෙයි.
රට තුළ පවතින කොවිඩ් 19 තත්ත්වය හමුවේ රුධිර හිඟයක් මතුව ඇති බව කියා සිටින ඒ මහතා මේ දිනවල රුධිර පරිත්‍යාග කිරිමේ වැඩසටහන් සිදු නොවීම හේතුවෙන් රුධිර හිගයක් ඇති බව කියා සිටිිනවා.
බස්නාහිර පළාත තුළ මේ තත්ත්වය දැඩි පවතින බව කියා සිටි ඒ මහතා ඇදිරි නිතිය තත්ත්වය හමුවේ ජංගම රුධිර පරිත්‍යාග කිරිමේ වැඩ සටහන් සිදු නොකිරීම හේතුවෙන් මේ තත්ත්වය ඇති වි ඇති බවද කියා සිටියා.
