කිසිදු කොරෝනා රෝගියකු වාර්තා නොවූ දිවයිනේ එකම දිස්ත‍්‍රික්කය වූ කිළිනොච්චියෙන්ද පසුගිය 2 වැනිදා එක් කොරෝනා ආසාදිතයකු හමු වී තිබෙනවා.
ඔහු හමුවී ඇත්තේ කිළිනොච්චිය කණ්ඩාවලෙයි ධර්මපුරම් ප‍්‍රදේශයෙන්. එම ප‍්‍රදේශයේ ස්ථිර පදිංචිකරුවකු වූ ඔහු කොළඹ ආපන ශාලාවක සේවය කර තිබෙනවා. එම ආපන ශාලාව වසා දැමීමෙන් පසුව ඔහු කිළිනොච්චියට පැමිණ තිබෙනවා.
එම රෝගියා සම්බන්ධයෙන් සිදු කළ පළමු පී.සී.ආර්. පරීක්ෂණයේ දී ඔහු කොරෝනා ආසාදිතයකු ලෙසට නිගමනය වී තිබෙනවා. ඔහු 2 වැනිදා රාත‍්‍රියේ දෙවැනි පී.සී.ආර්.පරීක්ෂණයට යොමු කර තිබෙනවා.
ඔහු මුලින්ම යාපනයේ කොරෝනා ප‍්‍රතිකාර රෝහලක් වෙත යොමු කර තිබෙනවා.
