ඉන්දීය පි‍්‍රමියර් ලීග් තරගාවලියේ අවසන් වටයේ කණ්ඩායම් අතරට එක් වීමට දිල්ලි කැපිටල්ස් සහ රෝයල් චැලෙන්ජර්ස් බැංගලෝර් කණ්ඩායම සමතවූහ.
රෝයල් චැලෙන්ජර්ස් බැංගලෝර් කණ්ඩායම සමග මූලික වටයේ පැවැති අවසන් තරගයේදී කඩුලූ 6ක ජයක් ලබා ගනිමින් අවසන් වටයට පිවිසීමට දිල්ලි කැපිටල්ස් කණ්ඩායම සමත් වූ අතර බැංගලෝර් කණ්ඩායම දළ ලකුණු ලබා ගැනීමේ වේගය අනුව ප‍්‍රසාද ලකුණු සටහනේ තෙවැනි ස්ථානයේ රැඳෙමින් ඉන්දීය පි‍්‍රමියර් ලීග් තරගාවලියේ අවසන් වටයට පිවිසීමට වරම් උදා කරගත්තේය.
අබුඩාබිහිදී පැවැති තරගයේදී පළමුවෙන් පිති ප‍්‍රහාරය දියත් කළ විරාට් කෝලිගේ නායකත්වයෙන් යුත් රෝයල් චැලෙන්ජර්ස් බැංගලෝර් කණ්ඩායම පන්දුවාර 20දී කඩුලූ 7ක් දැවී ලකුණු 152ක් ලබා ගැනීමට සමත් විය.
පිළිතුරු ඉනිම හඹාගිය දිල්ලි කැපිටල්ස් කී‍්‍රඩකයෝ පන්දුවාර 19කදී අදාළ ඉලක්කය පසුකර යෑමට සමත් වූහ. අදාළ ජයත් සමගින් දිල්ලි කණ්ඩායම මෙවර තරගාවලියේදී සහභාගී වූ තරග 14න් තරග 8ක් ජය ගැනීමට සමත්වූ අතර ඔවුන් ප‍්‍රසාද ලකුණු සටහනේ දෙවැනි ස්ථානයට පත්විය. බැංගලෝර් කී‍්‍රඩකයෝ සහභාගි වූ තරග 14න් තරග 7ක් ජය ගනිමින් ප‍්‍රසාද ලකුණු සටහනේ තෙවැනි ස්ථානයට පත්වීමට සමත් වූහ.
