කුරුවිට පොලිසියේ ස්ථානාධිපති ඇතුළු නව දෙනකු ඝාතනය කරන බව පවසමින් පොලිස් නිලධාරියකු රාජකාරි ගිනි අවියද සමග අතුරුදන්වීම ගැන රත්නපුර ජ්‍යෙෂ්ඨ පොලිස් නිලධාරීන්ගේ නියෝගයෙන් පරීක්‍ෂණ පැවැත්වේ.
රත්නපුර – කුරුවිට පොලිස් ස්ථානයේ සැරයන්වරයෙකු ගිනි අවියක් සමග මෙලෙස පලා ගොස් ඇත්තේ ඉකුත් 29 වැනිදා බව පොලිසිය පවසයි. සිරිපාගම ප‍්‍රදේශයේ රාජකාරියේ නිරත වූ අවස්ථාවේදී මෙම පොලිස් සැරයන්වරයා ගිනි අවියත් සමග පලා ගොස් ඇතැයි පොලිසිය පවසයි.
පොලිස් සැරයන්වරයා කුරුණෑගල ප‍්‍රදේශයේ සිය ඥාති නිවෙස් කිහිපයකට ගොස් ගිනි අවිය පෙන්වා තමන්ට පුද්ගලයන් නව දෙනකු ඝාතනය කිරීමට අවශ්‍ය බව පවසා ඇතැයිද පරීක්‍ෂණ වලදී හෙළි වී තිබේ. එම පුද්ගලයන් නව දෙනා අතර කුරුවිට පොලිස් ස්ථානයේ පොලිස් ස්ථානාධිපතිවරයා ද සිටින බව ඔහු ඥාතීන්ට පවසා ඇතැයිද හෙළි වී තිබේ.
ගිනි අවියත් සම`ග පලා ගිය මෙම පොලිස් සැරයන්වරයා පිළිබඳව සියලූ පොලිස් ස්ථාන දැනුවත් කර ඇති අතර ඔහු අත්අඩංගුවට ගැනීම සඳහා විශේෂ මෙහෙයුමක් ද ආරම්භ කර ඇති බව රත්නපුර උසස් පොලිස් නිලධාරියෙකු පැවසීය.
