නීති විරෝධී පොර කුකුළන් කෙටවීමක් වැටලීමට ගිය පොලිස් නිලධාරියකු පොර කුකුළකු පහර දීම නිසා මියගිය පුවතක් පිලිපීනයේ උතුරු සමාර් ප්‍රාන්තයෙන් වාර්තා වනවා.
ලුතිනන් ක්‍රිස්ටීන් බොලොක් නම් මේ නිලධාරියාට පහර දී ඇති කුකුළාගේ පාදයට ඉතා තියුණු වානේ පොරකටුවක් සවිකර තිබී තිබෙනවා. මේ තලය නිසා ඔහුගේ වම් කලවා ප්‍රදේශය කැපී ගොස් ඇති අතර ධමනියක දැඩි කැපුමක් සිදු වී තිබෙනවා.
නිලධාරියා වහාම රෝහල් ගත කර ඇති අතර රෝහලට ඇතුළු කරන විටත් මියගොස් තිබෙනවා. වයිරස් වසංගතය පවතින කාලසීමාවේ දී කුකුළන් කෙටවීම තහනම් කර ඇති අතර කොරෝනා වසංගතයට පෙර ඉරිදා සහ නීත්‍යකූල නිවාඩු දිනවල දී බලපත්‍ර ඇති පොරපිටිවල සහ දින තුනක් නොඉක්මවන සැණකෙළිවල දී කුකුළන් කෙටවීමට පිලිපීනයේ අවසර තිබෙනවා.
පුද්ගලයින් තුන්දෙනෙක් සහ පොර කුකුළන් හත් දෙනෙක් අත්අඩංගුවට ගෙන ඇති අතර, ඔවුන් සතුව තිබී වානේ පොරකටු කට්ටල දෙකක් ද පිලිපීන පෙසෝ 550ක මුදලක් ද අත්අඩංගුවට ගෙන රාජ සන්තක කර තිබෙනවා.
