ලිංගික අතවරයට ලක්වූ 11 හැවිරිදි ලුආනා කොස්ටා නොමේරූ දරු ප්‍රසූතියෙන් දින කිහිපයකට පසු මිය ගොස් තිබෙනවා
43 හැවිරිදි ෆ්‍රැන්සිනිල්ඩෝ මොරේස් වයස අවුරුදු නවයේ සිට ලුආනා කොස්ටාව ලිංගික අතවරයට ලක් කර තිබෙන අතර ගර්භණී සමයේදීත් ඇයව අතවරයට ලක් කර තිබෙන බව විදෙස් මාධ්‍ය වාර්තා කරනවා
බ්‍රසීල පොලිසිය පවසන්නේ මෙම අපරාධ සිදුවී ඇත්තේ උතුරු බ්‍රසීලියානු ප්‍රාන්තයේ පැරා හි රූආ ග්‍රාමීය මහ නගර සභාවේ දී බවයි
ලුආනාගේ පවුලේ සාමාජිකයන් ලිංගික අපයෝජනය ගැන දැනගත්තේ ඇගේ ශරීරයේ සිදුවන වෙනස්කම් දුටු විට පමණක් වන අතර ඔවුන් වෛද්‍යවරයකු හමුවීමට ඇයව රැගෙන ගිය අතර එවිට ඇය මාස පහක ගැබිනියක් බව හෙළි වී තිබෙනවා
පසුව දැරිය වසර තුනකට අධික කාලයක් තිස්සේ තමාට සිදු වූ අතවරය ගැන පවුලේ අයට පවසා තිබෙන බවයි වාර්තා වන්නේ
ඇගේ නැන්දාට අනුව,මොරේස් කිසිවෙකුට නොකියන ලෙස ගැහැණු ළමයාට තර්ජනය කර තිබෙන අතර ඔහු තම අපරාධ ගමෙන් බොහෝ දුර බැහැරින් සිදු කර තිබෙනවා
එමෙන්ම සැකකරු දෙදෙනාගේ ‘සබඳතාවයේ’ නීතිවිරෝධී බව නොතකා දෙදෙනාගේ ආදරණීය බැඳීමක් පෙන්නුම් කරමින් සැකකරුගේ ඡායාරූප දුසිම් ගණනක් ඔහුගේ සමාජ මාධ්‍ය පිටුවලට එකතු කර තිබෙන අතර එරට පොලිසිය සැකකරු සොයමින් පරීක්ෂණ ක්‍රියාත්මක කර තිබෙනවා
