දහවල් කාලය තුලදී නිවෙස් වලට ඇතුලත් වී කාන්තාවන් බදා ගන්නා පුද්ගලයෙක් පිළිබඳව ගලේවෙල ප්‍රදේශයෙන් වාර්තා වනවා.
මෙම පුද්ගලයා පසුගිය 16 වනදා එම ප්‍රදේශයේ 32 හැවිරිදි එක්දරු කාන්තාවක් නිවසේ සිටියදී නිවසට ඇතුල්වී බදා ගෙන ඇති අතර ඒ අවස්ථාවේ කාන්තාව බියට පත්වී කෑ ගසා තිබෙනවා.
සිද්ධියෙන් කලබල වූ සැකකරු ඇය අතහැර පලා ගොස් ඇති බවයි වාර්තා වන්නේ.
ඉන්පසු දින ද එනම් 17 වනදා දිවා කාලයේ 60 හැවිරිදි කාන්තාවන් සිය නිවසේ වැඩකටයුතු කරමින් සිටි අවස්ථාවේදී ද මෙවැනි සිද්ධියක් සිදුව තිබෙනවා.
මෙම පුද්ගලයා වැරදි කිහිපයකට බන්ධනාගර ගතව සිටි අයෙක් බවයි මේ වන විට වාර්තා වන්නේ.
සැකකරු වයස අවුරුදු 40 එක්දරු පියෙක් වන අතර ගලේවෙල පොලීසිය සිද්ධිය සම්බන්ධයෙන් වැඩිදුර පරීක්ෂණ සිදු කරනවා.
