ලොව පුරා කොරෝනා වෛරසය සීඝ්‍ර ලෙස ව්‍යාප්තව වීම හේතුවෙන් සෑම රටකම සමාජ දුරස්ථභාවය සහ දැඩි නිරෝධායන නීති පනවා තිබෙනවා.
මෙම නීතින්වලට අනුව නෙදර්ලන්තයේ ඇම්ස්ටර්ඩෑම් අවන්හල විසින් ඉතා සුවිශේෂී පියවරක් අනුගමනය ඇති බව වාර්තා වනවා.
එහිදී ඔවුන් තම අවන්හල තුළ තනි හරිතාගාර ඉදිකිරීම තුලින් සමාජ දුරස්ථ භාවය ආරක්ෂා කර ගත හැකි බව පෙන්වා දී තිබෙනවා.
එම අවන්හල පෙන්වා දෙන්නේ තම පාරිභෝගිකයන්ට මේ හරහා වැඩි ආරක්ෂාවක් සපයන බවයි.
මේ තුලින් ජනතා විශ්වාසයක් ඇති වන බවත් මෙම ක්‍රියාව බොහෝ දෙනාගේ ඇගයීමට ලක්වෙමින් පවතින බවද එම අවන්හල පවසනවා.
එහි සේවය කරන සේවකයන් ද ත්වැසුම් සහ මුහුණු ආවරණ පැළඳ සේවාදායකයන් වෙනුවෙන් විශ්වාසනීය සේවයක් ලබාදීමට සුදානම් බවයි වාර්තා වන්නේ.
මෙය අත්හදා බැලීමක් බවත් මැයි මස 21 වනදා සිට අදාළ වැඩපිළිවෙල ක්‍රියාත්මක කරන බවයි එම අවන්හල ප්‍රකාශ කර ඇත්තේ.
කෙසේ වෙතත් මේ වන විට නෙදර්ලන්තයේ සීමාවන් ලිහිල් කිරීමට පටන් ගෙන ඇති නමුත් මිනිසුන්ට තවමත් මීටර් 1.5 ක පරතරයක් පවත්වා ගන්නා ලෙස දැනුම් දී ඇති අතර මුහුණු ආවරණය අනිවාර්ය කර තිබෙනවා.
