Gossip

තිලංග, ඇන්ජලෝ ඇතුළු පිරිස හදිසියේ රැස්වෙයි

ශ්‍රී ලංකා කණ්ඩායමේ දකුණු අප්‍රිකානු සංචාරයට අදාළව ඉතිරි වී ඇති විස්සයි -20 සහ එක්දින තරගාවලියේදී කණ්ඩායමක් හැටියට නැවතත් සුපුරුදු දක්ෂතා අතරට පැමිණ ජයග්‍රාහී ලෙස නිමා කර ගැනීමට හැකිවනු ඇතැයි, ශ්‍රී ලංකා නායක ඇන්ජලෝ මැතිව්ස් විශ්වාසයෙන් පසුවන බව ශ්‍රී ලංකා ක්‍රිකට් සභාපති තිලංග සුමතිපාල මහතා පවසයි.

දකුණු අප්‍රිකාව සමඟ පැවැති ටෙස්ට් තරගාවලිය තරග 3-0ක් ලෙස පරාජය වූ ශ්‍රී ලංකා කණ්ඩායමේ නායක ඇන්ජලෝ මැතිව්ස් ශ්‍රී ලංකා ක්‍රිකට් සභාපති තිලංග සුමතිපාල මහතා සමඟ දකුණු අප්‍රිකාවේ සිට සජීවීව සම්බන්ධ වෙමින් මේ බව සඳහන් කර ඇත.

දීර්ඝ වේලාවක් ඇදී ගිය මෙම හදිසි සාකච්ඡාවට තිලංග සුමතිපාල මහතාට අමතරව ජයන්ත ධර්මදාස (උප සභාපති ශ්‍රී ලංකා ක්‍රිකට්), කේ. මතිවානන් (උප සභාපති ශ්‍රී ලංකා ක්‍රිකට්), සනත් ජයසූරිය (තේරීම් කමිටු සභාපති) ඇතුළු පිරිසක් ශ්‍රී ලංකා ක්‍රිකට් මූලස්ථානයේ සිට සම්බන්ධ වී ඇති අතර ග්‍රැහැම් ෆෝඩ් (පුහුණුකරු), රංජිත් ප්‍රනාන්දු (කණ්ඩායම් කළමනාකරු) සහ නායක ඇන්ජලෝ මැතිව්ස් දකුණු අප්‍රිකාවේ සිට සම්බන්ධ වී ඇත.

ලබන 20 වැනිදා (හෙට) අරඹෙන විස්සයි -20 තරගාවලියේදී ශ්‍රී ලංකා කණ්ඩායම යොදා ගැනීමට බලාපොරොත්තු වන නව සැලසුම් සහ උපාය මාර්ග පිළිබඳවද මෙහිදී වැඩිදුරටත් සාකච්ඡාවට බඳුන් වී ඇති අතර තරගාවලියේ ඉදිරි තරගවලදී රට වෙනුවෙන් ජයග්‍රහණ අත් කර දීම සඳහා හැකි උපරිම කැපවීම යොදවන බවද එහිදී ශ්‍රී ලංකා නායක ඇන්ජලෝ මැතිව්ස් ප්‍රකාශ කර ඇත.

පෙරේදා (17දා) සවස පැවැති එම සාකච්ඡාව පිළිබඳව කරුණු පැහැදිලි කිරීමේ විශේෂ මාධ්‍ය හමුවක් අද ශ්‍රී ලංක ක්‍රිකට් ආයතනයේදී පැවැත්වීමට ශ්‍රී ලංකා ක්‍රිකට් කටයුතු යොදා ඇත.

උපුටා ගැනීම මව්බිම පත්තරෙන්

Click to comment

Leave a Reply

Your email address will not be published. Required fields are marked *

To Top
Copy Protected by Chetan's WP-Copyprotect.